村爺爺車仔麵 (已搬遷) 新店位置

下午兩點幾下午茶時間，揾到方食lunch , 行到嚟間村爺爺泡飯、車仔麵店試下，入到去人不多，牆壁上貼左好多名星相，之後睇下餐牌有乜好食，佢車仔麵同泡飯都有龍蝦湯同豬骨湯分，價＄都差成二十元，但我睇睇下，比依個吉列咖喱黑豚飯吸引住，仲要只係$28連熱飯，認真抵！不一會成隻好似龍船咁大嘅碗送上我檯面，個碗真係大得有點誇張，而賣相亦唔差，份量都幾大份，豬扒好大塊切開都有五六塊左右，完全唔似下午茶份量，你亦食得出豬扒即叫即炸的，咖喱除左薯仔外仲有紅籮白，個汁辣辣甜甜幾開胃！估唔到今日食到一個有質素的下午茶餐！