少爺18 (已結業)

好味指數：🌟🌟🌟抵食指數：🤑🤑🤑🤑去親葵芳都係掃街，今次就去咗新都會廣場搵咗間餐廳坐低食。呢間係一間結合咗傳統同創新嘅星馬餐廳，餐廳環境夠大，就算一班人嚟都可以安排到座位，適合lunch time食飯，等位又唔耐✅燒雞髀煎蛋飯係大大隻嘅雞髀呀！幾乎佔咗半隻碟，雞髀燒得啱啱好，表皮爽口肉質嫩滑，而且用刀叉好容易就可以將佢切開，可以有儀態咁食，不過雞髀最正宗嘅食法梗係拎起來咬啦！煎蛋有少少流心，蛋汁配埋飯特別好味，而佢嘅秘製汁酸酸甜甜帶微辣，配雞脾食味道有層次仲解膩而且係新都會返工嘅人仲有八折，喺呢個廣場食飯呢間真係算好抵食，不過聽聞佢營業到九月中，要把握機會去試啦