臺味冰點餐廳

營業中

休息中

下午茶時間，人比較少，都有唔少位。喺下午茶嘅餐牌叫咗個芝士焗雞皇意粉。意粉嘅份量適中，賣相唔錯。表面見到都有唔少嘅雞件，亦有啲微焦嘅芝士。因為係即叫即焗，所以都等咗一段時間。雞嘅味道唔差，而且雞唔會焗到好乾，食落口仲有嫩滑嘅口感，雞應該都有醃過，食落去唔會乜味都冇。因為白汁嘅量都唔少，下面意粉底唔會好乾變咗做一pat嘢，反而可以好輕鬆咁卷起咁放入口。隨餐有埋個水蜜桃紅茶，好大杯，又唔會好甜。成個餐幾抵食！