野川拉麵の深燒食堂

營業中

休息中

👍🏻三文魚刺身，三文魚刺身油香非常重，而且食得出餐廳用嘅來貨絕對唔係雪藏貨，每一件都非常厚，口感非常好，我同朋友都非常鍾意食三文魚，所以本身對三文魚都好揀擇，令我哋有驚喜嘅係呢一間三文魚嘅刺身非常好食，十分值得推介俾大家👍🏻甜蝦刺身，甜蝦刺身簡直就係我哋嘅最愛，呢間餐廳嘅甜蝦刺身同平時放題食到嘅唔同，每一隻都非常鮮甜，而且肉質我哋都覺得OK，冇諗過喺串燒舖都食到呢一個質素，令到我哋喜出望外👍🏻自家製豬軟骨拉麵，豚骨拉麵亦都係我哋想推介俾大家嘅其中一樣嘢、拉麵嘅份量都比正常多，以呢個價錢嚟講真係冇得輸，而且拉麵嘅湯底都唔會非常咸，我哋都覺得非常適中，佢自家製嘅豬軟骨非常值得推介，有4大件，非常入味，我同朋友都非常鍾意👍🏻溫泉蛋牛肉丼飯，牛肉嘅質素比我哋想像中好，而且絕對唔會好鞋好硬，拍得住出邊連鎖店嘅牛肉飯，而且份量嚟講都唔算少，加埋溫泉蛋嘅配搭，好match!👍🏻芝麻雞翼 ，咁啱見到小食嘅Menu上面有呢一個芝麻雞翼，所以就叫一份試吓，芝麻雞翼，熱辣辣，而且味道都非常好食，三隻嚟講，價錢算係中間，收費亦都合理！餐廳嘅店員非常好，而且好friendly, 鍾意食串燒嘅朋友絕對唔可以錯過呢