影片
更多
2024-09-21
2402 瀏覽
原來semi-buffet，都可以食到飽一飽。“The Platter (悦品酒店‧荃灣)“Google Map上面嘅悦品酒店‧荃灣係幾遠地鐵站。其實行起上嚟還算可以。由葵興站E出口，沿天橋直入KCC，喺大連排道出口轉左，直行就可以見到酒店停車場入口。依家佢做緊個Meat & Ham半自助晚餐，平日夜晚供應，由$258 up連主菜。$258，莫講話自助餐，就連一個普通嘅set dinner都未必周圍有。咁佢嘅自助部份會唔會只係一個普通”沙律吧”？烤波士頓龍蝦配香檳忌廉汁及芝士 $408 - menu上最貴嘅主菜。波士頓龍蝦係全隻分兩邊上，除咗有好多芝士之外，我發現佢落咗其他配料，所以食落去係比一般自助餐嘅焗龍蝦更加豐富好食。海鹽烤美國安格斯肉眼配黑松露汁 $308 - 肉眼扒都烤得唔錯，肉眼本來就係充滿油香，亦都好Juicy。個人認為”梅納效應”部分可以做得再明顯啲。跟住一定要講講個沙律吧。呢個價錢要求好貴嘅食材係唔現實。但佢起碼都有幾種海鮮、Parma Ham連哈蜜瓜、芝士、唔同嘅沙律同湯。特別係佢啲海鮮其實好鮮味。海螺同蜆嘅味道比佢哋嘅樣子要好。仲有，呢度嘅甜品選擇都唔少，除咗蛋糕
“The Platter (悦品酒店‧荃灣)“
Google Map上面嘅悦品酒店‧荃灣係幾遠地鐵站。其實行起上嚟還算可以。由葵興站E出口，沿天橋直入KCC，喺大連排道出口轉左，直行就可以見到酒店停車場入口。
依家佢做緊個Meat & Ham半自助晚餐，平日夜晚供應，由$258 up連主菜。$258，莫講話自助餐，就連一個普通嘅set dinner都未必周圍有。咁佢嘅自助部份會唔會只係一個普通”沙律吧”？
烤波士頓龍蝦配香檳忌廉汁及芝士 $408 - menu上最貴嘅主菜。波士頓龍蝦係全隻分兩邊上，除咗有好多芝士之外，我發現佢落咗其他配料，所以食落去係比一般自助餐嘅焗龍蝦更加豐富好食。
海鹽烤美國安格斯肉眼配黑松露汁 $308 - 肉眼扒都烤得唔錯，肉眼本來就係充滿油香，亦都好Juicy。個人認為”梅納效應”部分可以做得再明顯啲。
跟住一定要講講個沙律吧。
呢個價錢要求好貴嘅食材係唔現實。但佢起碼都有幾種海鮮、Parma Ham連哈蜜瓜、芝士、唔同嘅沙律同湯。特別係佢啲海鮮其實好鮮味。海螺同蜆嘅味道比佢哋嘅樣子要好。
仲有，呢度嘅甜品選擇都唔少，除咗蛋糕仲有Waffle、番薯糖水同雪糕杯等等，另外仲有幾種水果，其實已經超過一般Semi buffet嘅水平。仲未計佢嘅飲品都係任斟，咖啡茶橙汁都係無限供應。
冇錯，佢唔係五星級酒店嘅自助餐，但佢嘅嘢食種類都唔少，包括水準唔錯嘅海鮮。連同佢本身同樣有水準嘅主食，同坐得非常舒適嘅環境，預算唔多嘅都可以一試。
張貼
