影片
更多
2016-11-23
258 瀏覽
豬八戒麵 $48+3 （祕製麻辣湯底）話說上星期二又番黎荃灣拎報告順便約埋朋友食埋飯先走！入荃灣食野嘅次數5隻手指數得晒，某知名cafe，車仔麵，好多人幫襯嘅米線，但都係麻麻，所以今次決定去啲無咩人注意嘅食肆！Entrance 正值晚餐時間，唔駛等位，但座位都唔算多，好彩都算早，順利有台坐！菜單上有個推介優惠：豬八戒麵$45（原價$52）同牛魔王麵$48（原價$58），仲可以加啲錢要多啲配料，對就黎步入無業世界嘅蘋果乾黎講，依啲優惠真係合晒我意，唔食牛嘅我黎講當然就選豬八戒麵🙋🏻豬八戒麵當然唔少得豬肉啦，一碗麵$45又有豬肉，粟米，木耳，少量菜同紅蘿蔔，加埋加埋大大碗，唔係唔收貨呀！啲豬肉非常彈牙，唔係豬肉碎都唔係豬柳，原來係豬肉筋黎嫁～食落又一啲都唔「鞋」，口感非常彈仲有好多舊💕💕食呀食，我一廂情願咁諗普通麵咪即係油麵～（我麻麻地油麵）但原來店鋪採用咗上海麵為佢地嘅祕製麵，食落更有口感之餘湯味更容易吸收；一間唔係專做麻辣嘅小店都可以選擇辣度，無意外地我點咗大辣，無失望呀，雖然同出名啲專便麻辣米線嘅無得比，但依間店嘅麻辣已經算唔錯，少少麻之餘都可試到辣味👍🏻鍾意食辣嘅朋友就可能唔會滿意
話說上星期二又番黎荃灣拎報告順便約埋朋友食埋飯先走！入荃灣食野嘅次數5隻手指數得晒，某知名cafe，車仔麵，好多人幫襯嘅米線，但都係麻麻，所以今次決定去啲無咩人注意嘅食肆！
Entrance 正值晚餐時間，唔駛等位，但座位都唔算多，好彩都算早，順利有台坐！
菜單上有個推介優惠：豬八戒麵$45（原價$52）同牛魔王麵$48（原價$58），仲可以加啲錢要多啲配料，對就黎步入無業世界嘅蘋果乾黎講，依啲優惠真係合晒我意，唔食牛嘅我黎講當然就選豬八戒麵🙋🏻
豬八戒麵當然唔少得豬肉啦，一碗麵$45又有豬肉，粟米，木耳，少量菜同紅蘿蔔，加埋加埋大大碗，唔係唔收貨呀！啲豬肉非常彈牙，唔係豬肉碎都唔係豬柳，原來係豬肉筋黎嫁～食落又一啲都唔「鞋」，口感非常彈仲有好多舊💕💕食呀食，我一廂情願咁諗普通麵咪即係油麵～（我麻麻地油麵）但原來店鋪採用咗上海麵為佢地嘅祕製麵，食落更有口感之餘湯味更容易吸收；一間唔係專做麻辣嘅小店都可以選擇辣度，無意外地我點咗大辣，無失望呀，雖然同出名啲專便麻辣米線嘅無得比，但依間店嘅麻辣已經算唔錯，少少麻之餘都可試到辣味👍🏻鍾意食辣嘅朋友就可能唔會滿意，但我覺得比起尖沙咀新開嘅麻辣米線店，Entrance 已經好食多多了（我指個湯底）。
有人就彈有幾唔好食，搞到我同朋友都有啲怯，但其實食落唔差之餘都唔錯呀！雖然唔係好味到嘩嘩聲，但$45大大碗又唔錯嘅麵，真心又真係唔好太計較！
P.S: 其實仲有時令推介：蟹粉撈麵，每日供應數量有限，啲蟹粉真係大大舊，可惜，我要做姐妹不能太放肆😢；影下影下先發覺個碗係不規則形狀，唔係圓形，唔怪得一邊影一邊覺得邊到怪怪地咁。
阿姨餃子 $32，6隻
#入麵 除咗豬八戒麵同牛魔王麵係必點之外，其實阿姨餃子都係大多數食客必點嘅小食！我一聽個名：阿姨餃子？係咪阿姨包嫁？講下笑姐，原來真係係嫁（滴汗中😅）真係阿姨親自包，新鮮製造😂起碼唔係批發貨！
餃子有3種口味：冬菇，韮菜同椰菜，一碟餃子6隻，每種口味各2隻，唔駛爭！
冬菇味：好濃嘅菇味，一咬落去真係會見到好大粒～冬菇🍄，同豬肉比例都可以算係5:5，一啖豬肉一啖菇：韮菜同椰菜相比下就比較失色，但勝在餃皮唔算厚，食落好juicy！
（食晒4隻餃子都食唔到任何雪藏味，抵比個👍🏻！）。 。 .
鮮雜果蜂蜜綠茶 $34
$34咁大杯，唔駛估，有眼你睇有好多餡：蘋果，青蘋果，奇異果，哈蜜瓜，火龍果。真係好多水果，好新鮮😂😂
飲飲下可能你會覺得唔夠味，但你間唔中會飲到啲一粒粒透明嘅珠珠，原來個啲係叫爆珠，或者可以叫蜂蜜分子，咬爆佢時入面啲蜂蜜就會流出黎，甜甜地，咁你就唔會覺得杯野無咩味！ 。
張貼
