厚興瑜記手撕雞 (美孚新邨)

營業中

休息中

$65 半隻骨香雞骨香雞一睇落去會見到啲雞皮黃黃地橙橙地，個樣睇落去好似貴妃雞。佢同樣上面都加左一層芝麻。食落去有少少似紅腸（？）嘅味。不過如果淪陷到嘅話佢就被厚興手撕雞冇咁鹹。都一樣有過過冷河，皮同埋肉之間有一層充滿精華嘅啫喱。$65 半隻厚興手撕雞手撕雞真材實料。食到啲肉有雞味同埋好入味。明顯食得出佢焗或者浸熟咗之後係呀即刻再浸冰水，過一過冷河。雞皮同雞肉好容易分開，仲有雞皮好挺身、爽口。鹽焗雞粉嘅味好出最啱用嚟送飯。仲要加咗白胡椒做調味，食落去鹹鹹地又辣辣地，完全可以一次過食三碗飯。$36海蜇爽口彈牙，上面加咗啲微微焗或者炒過嘅白芝麻。食落去麻油味好香，份量都好大份。唔會好似出面其他餐廳嘅海蜇咁咸，食落去仲有少少鹽焗雞粉嘅味。