湯加 (形薈)

營業中

休息中

星期六晚，行到筲箕灣形薈，最後決定入呢間食晚餐。最快到嘅係，魚肚鯪魚滑淮山麵套餐＋熱奶茶$52，酸辣湯底＋$3，味道唔錯，好足料。仲叫咗個豬軟骨套餐＋熱冬瓜茶 $58，都好快到，豬軟骨嘅汁，送飯唔錯，啲骨都軟嘅，不過杯冬瓜茶就甜咗啲。另外等得最耐係勝瓜魚肚豬肉片＋藜麥飯 $58，勝瓜就好少，肉片就好多，食唔哂，而碗藜麥飯真係好少藜麥，基本上都係白飯，以為會有好多藜麥，早知就叫其他套餐啦，起碼都有杯熱飲。總結：有自助水吧，不過啲水就唔係太好飲，食物質素都算ok，以晚餐價錢都算抵食，至於職員服務態度，就一般啦，不過睇返個收費，都算係成正比。食客都唔少，見到最多人叫蒸魚套餐，睇落啲魚都好大條，下次都可以試下。