帝景軒 (已結業)

朋友話有一間自助餐好抵食，我哋就約埋一班朋友去食啦！一坐埋位就有侍應送每人一碟花膠鮑魚俾我哋食，超級正！食完呢個花膠鮑魚之後，就出去睇吓有啲乜嘢食啦，有我食自助餐最鍾意嘅長腳蟹！刺身款式雖然唔多，但質素都唔錯，我就攞咗我最愛嘅三文魚同墨魚！熟食方面，烤牛肉質素都唔錯，熱盤嗰度有個牛面頰都好好味，對於我呢啲牛魔王來講，有唔同嘅牛肉選擇，係十分開心嘅！甜品佢有個焦糖燉蛋，覺得都幾好食，但係我掛住食唔記得影相，以雪糕方面佢都好多選擇，除咗有牛奶公司雪糕之外，仲有Haagen-Dazs雪糕揀添，今次仲比我發現有香蕉味雪糕，香蕉味雪糕食落都幾好食，唔會太重奶味，而香蕉味亦都好香濃！