點心廊 (已結業)

移左民既朋友難得返左黎香港，我地就去左山頂都行下，經過呢間中餐廳，發現有四人餐，而且價錢唔貴，好抵食。呢度用QR code 落單，好方便。我地4個人，點呢個晚市4人餐就岩岩好。套餐包括傳統點心同埋特色小菜。，點心方面，有燒賣皇、鮮竹卷、醬皇蒸鳳爪同埋蒜香蒸排骨。燒賣大大粒，鳳爪幾入味，水準好高。小菜方面，有招牌烤三黃雞、麻婆豆腐同埋欖菜肉燥四季豆。我最鍾意佢嘅燒三黃雞，皮脆肉嫩，啲肉超juicy。仲有成個電飯煲咁多既白飯，啱晒我呢個飯桶。