影片
更多
2021-05-17
2779 瀏覽
今晚同家人補祝母親節，老人家最愛吃鮑魚同埋龍躉兩味，而剛好海港酒樓又有勁抵食嘅四人$518套餐，真係啱曬一家大細。<泰式蝦餅>這個泰式蝦餅不是跟套餐的，不過見衹係$78一碟，都算抵食，當然要試下啦！蝦餅炸得非常金黃，外面好香脆，蝦嘅肉質非常彈牙，而且每一塊都好大塊。<蒸鮑魚>跟套餐的鮑魚有8隻，鮑魚用醬油來清蒸，係鮑魚下面有少少金菇菜做伴碟，鮑魚每一隻都不算大隻，肉質反而有少少韌，不過味道是不錯的。<清蒸龍躉頭腩>龍躉頭腩肉嘅魚肉肉質都幾嫩滑，而且都幾大碟，唔會話有太多骨，都幾多肉。<翡翠炒龍躉球>龍躉球魚肉都幾大塊，肉多骨小，炒得幾美味，魚肉夠厚，肉質亦不算太鞋，而且佢用上好多蔬菜雲耳同瓜類來炒呢個龍躉肉，所以都算幾有誠意。<西蘭花炒帶子>西蘭花同帶子都份量都好多，只不過係帶子切得比較薄身，反而有點失望，不過西蘭花炒得夠腍，味道是不錯的。<燒雞半隻>燒雞嘅雞肉都非常嫩滑，而且連雞皮都好香脆，味道亦都夠惹味。<上湯蝦球伊麵>呢個上湯蝦球伊麵嘅質素非常之高，因為蝦球係完全去曬蝦
<泰式蝦餅>
這個泰式蝦餅不是跟套餐的，不過見衹係$78一碟，都算抵食，當然要試下啦！蝦餅炸得非常金黃，外面好香脆，蝦嘅肉質非常彈牙，而且每一塊都好大塊。
<蒸鮑魚>
跟套餐的鮑魚有8隻，鮑魚用醬油來清蒸，係鮑魚下面有少少金菇菜做伴碟，鮑魚每一隻都不算大隻，肉質反而有少少韌，不過味道是不錯的。
<清蒸龍躉頭腩>
龍躉頭腩肉嘅魚肉肉質都幾嫩滑，而且都幾大碟，唔會話有太多骨，都幾多肉。
<翡翠炒龍躉球>
龍躉球魚肉都幾大塊，肉多骨小，炒得幾美味，魚肉夠厚，肉質亦不算太鞋，而且佢用上好多蔬菜雲耳同瓜類來炒呢個龍躉肉，所以都算幾有誠意。
<西蘭花炒帶子>
西蘭花同帶子都份量都好多，只不過係帶子切得比較薄身，反而有點失望，不過西蘭花炒得夠腍，味道是不錯的。
<燒雞半隻>
燒雞嘅雞肉都非常嫩滑，而且連雞皮都好香脆，味道亦都夠惹味。
<上湯蝦球伊麵>
呢個上湯蝦球伊麵嘅質素非常之高，因為蝦球係完全去曬蝦殼，每隻蝦球個size都非常之大，蝦肉入口極為彈牙爽口，而且伊麵分量都幾多，上湯底都好濃郁，值得一讚。
最後甜品是燕窩燉奶，燕窩分量不少，而且燉奶都好滑好香好好味。
整體嚟講，我覺得以呢個價錢供應到呢個套餐都算非常抵食，食物質素還是可以的，絕對對得住呢個價格，值得一試。
張貼
