東門町 (已結業)

係東港城入面呢個美食小角落，東門町係唯一一間自己有立食位置既鋪頭，雖然冇座位，但客人可以係店入面進食，唔使同其他鋪一齊迫出面既立食檯仔。另外，外賣係會貴一蚊既，想即食既記得唔好嗌外賣。鐘意食辣既我嗌左個中辣既酸辣粉加牛栢葉，勁香勁辣好好味！啲粉唔會太un咬唔開，份量都十足，一路食一路抹汗，連店員都想笑我xdd另外就嗌左串麻辣羊肉串，羊肉好香，但比起個中辣酸辣粉黎講辣味就相對唔夠啦，價錢有少少貴，不過都會再試既。呢間鋪最好就係汽水夠凍又夠平，食食下辣想飲罐汽水只需要$5,好抵!如果有再多啲食物選擇就好啦