地道館車仔麵

營業中

休息中

放假陪同事去新蒲崗圖書館搵資料，走的時候見到對面有間地道館車仔麵，同事見到門口餐牌價錢經濟實惠，店內燈光明亮，地方整潔，即話要入去試試！車仔麵：豬紅、豬皮、豬腸、滷水雞中翼、米粉、咖喱汁。豬紅豬皮都好入味，豬腸洗得乾淨冇異味，雞翼滷得入味又嫩滑，湯底咖喱汁夠味，米粉爽口。凍檸茶甜度啱啱好。車仔麵：豬紅、豬皮、蘿蔔、秘製汁、河粉蘿蔔清甜無渣好入味。湯底秘製汁辣辣哋十分惹味，河粉幼滑。凍鴛鴦夠濃夠凍。必食豬手：豬手爽彈厚肉，燜到軟腍又入味，還有豐富嘅骨膠原！