梅丘壽司の美登利総本店 (雅蘭中心) (已結業)

突然之間想食壽司。喺門口睇下餐牌，望落都幾吸引，一於入去試下先。叫咗個一人前壽司手握盛盒。午市套餐有壽字，茶碗蒸，味噌湯。蟹子壽司有驚喜，蟹籽顏色粒粒晶凝通透，新鮮好味道。蛋壽司，平時必叫嘅壽司，普通食材，但簡單好食。吞拿魚同三文魚壽司味道不過不失，無咩大驚喜。小黃瓜紫菜卷，上面有啲沙律醬同埋蟹子，拼埋一齊幾好食。對女仔嚟講，可能有啲多。整個午市套餐價錢取勝。餐廳採用簡約日式裝修，光線明亮，環境舒服，自己一個人或者朋友聚餐，都係一個唔錯嘅選擇。