御品千の味刺身壽司專門店 (海寶花園) (已結業)

今晚家母偷懶唔煮飯，於是乎我就提議不如食壽司。大埔外賣壽司選擇不嬲都算多。之前聽朋友講過點解做書店外賣同堂食都唔錯。反正路經食店。就買返屋企試吓。千之味壽司盛盒B,$258,有五件三文魚壽司，四件甜蝦壽司，四件蟹子壽司，四件北寄貝壽司，熟蝦壽司八爪魚壽司各兩件。同埋四件加州卷。刺身厚度適中。而且食得出食材新鮮。壽司飯醋味適中。另外因為我好鍾意食加州卷嘅關係，自己叫多咗四件加州卷，$38。蟹子咬落去質感脹卜卜。好治癒嘅感覺。另外值得一提嘅係，餐廳只要叫滿$300食物，就可以免費外送全港，啱晒一班叫壽司係屋企開party嘅朋友。而且食物質素非常之高。絕對值得大家試吓。