吉野家 (已結業)

疫情關係，好多時候都係要買外賣比較好，今日就試吓吉野家的$39外賣推介，$39外賣餐有2款，和風牛肉飯特盛和牛肉煎雞飯，2選1，配綠茶或麵豉湯或汽水。我今次揀咗牛肉煎雞飯配美蓮達汽水，由落單到出餐只係3分鐘，超快！返到公司，打開膠袋，包得好好冇漏汁👍🏻打開飯盒，餸係一層，飯向下面果層，唔會搞到啲飯比啲汁浸淋/太多汁撈飯，非常貼心👍🏻牛肉份量係足，煎雞就似乎少咗啲，野菜都係正常份量，再睇下啲飯先，飯軟硬適中，但係餸和飯都只係微暖(我由取餐到返上公司用咗5分鐘)，如果熱返少少就好。汽水正常味道和夠凍。侍應都係正常冇特別熱情/笑容，但唔係黑面，一般態度。