棋子燒鵝 (長沙灣道)

營業中

休息中

-深水埗區多嘢食 價錢大眾化不過人多擠迫 我情願斬大嚿叉燒 買返屋企食燒味餐-🦆#燒鵝五寶飯 ($68）呢度燒鵝出名 皮脆鵝肉味濃 上次我單叫一隻燒鵝髀 食得滋味 今次叫五寶飯 燒鵝以外 搭啲叉燒油雞紅腸同半隻鹹蛋 食啱邊款燒味 下次可以孖住燒鵝叫雙拼飯-🥓🐓#外賣燒味組合 ($115）套餐有兩個組合供選擇 我揀B餐 有半斤燒腩仔加半隻雞 燒腩仔係我心頭好 佢肥瘦相間 脂肪瘦肉分佈均勻 外皮烤烘得脆卜卜 食落香脆有油香又有嫩肉 半隻雞可以揀白切雞或豉油雞 豉油雞皮拎立立 豉油上色均勻 比白切雞更吸引-📍#棋子燒鵝深水埗長沙灣道233-239號惠康大廈地下