田記魚蛋牛腩專門店 (碧街)

營業中

休息中

呢間喺太子同埋油麻地都有分店嘅牛腩麵鋪有唔少人推薦。今日試過就知佢大份又抵食。淨雲吞 $32七粒雲吞大大粒夠飽滿，口感彈牙味道仲好鮮甜，食得到鮮蝦嘅比例好多。湯入面仲有幾條生菜，營養均衡少少。牛三寶飯 $60牛三寶包括牛腩、牛筋、牛肚。炆得夠腍夠入味。牛筋滑到幾乎唔使咬。牛肚淨係選用金錢肚，用料幾靚。值得一讚係白飯份量好多，大概有三細碗，男仔都夠食。每款飯類仲有附送紫菜湯。崩沙牛腩飯 $57呢款用咗崩沙牛腩，肥瘦更均勻，仲有一層滑溜嘅膠質。值得加錢食。