Outback Steakhouse (The LOHAS康城) (已結業)

週末去參觀朋友喺康城嘅新屋，dinner就買咗outback外賣返去一齊食。外賣menu大部分都係$100樓下有找，算係幾抵食。我哋嗌左一個烤美國帶子煙肉白汁燴飯同蕃茄肉醬意粉，跟餐有埋湯同埋黑糖麵包。黑糖麵包係outback嘅名物，麵包帶少少甜，口感鬆軟，加埋佢哋嘅軟身牛油好好食😋白汁燴飯都唔錯，飯嘅硬度控制得幾好，唔會煮到爛哂，入面有少少甜椒洋蔥，口感唔錯，白汁好濃好creamy，帶子外面包咗一層煙肉，煎封得幾靚，帶子雖然唔係半生熟狀態，但係都唔係overcooked，算幾好食。意粉偏重蕃茄味，肉醬唔算好多，覺得佢係一個蕃茄意粉多過肉醬意粉。蕃茄酸味味好fresh，可以同Creamy嘅白汁燴飯balance番。