大同韓燒 (已結業)

🔍$168/人 加一大角咀食街有好多好野食，今晚揀左去食韓燒，去個餐廳都大，格局亦開揚，張枱亦唔會細到同隔離打詠春咁。，整體舒服。侍應安排左座位就即刻有招呼，介紹比我地聽有咩新鮮出既前菜&熟食，餐湯之類，又教我地燒咗肉先食其他野(即用油開鍋免黏)，服務合格。發現到有條抽風管係地下向下抽，唔係頂抽式，所以燒既時候無油煙味。我地食果日8/9成滿座都唔會入左吸煙區咁，證明佢地套抽風真係好好，食完埋單後個身都冇油味，依樣抵讚。👍🏻👍🏻好喇講番食物，除咗各類前菜熟食之外(玉子燒好味)👍🏻，仲有刺身，各類壽司，生果等等，仲有雪糕，涼粉甜品，仲有自家製菊花茶，餐湯(蕃茄湯好飲)👍🏻，紅豆沙，所以都算多選擇。兩個雪櫃係自取飲品既(任飲)，除左有一格櫃內酒類寫明要另外收費，可惜無熱飲揀，只有熱水，扣左少少分。自助燒物既凍櫃內都好多種類既肉食，韓式醃製既豬扒、五花肉、肥牛、牛舌、雞腎、雞軟骨、魷魚、墨魚仔、扇貝等等，未能儘錄。不過蔬菜類唔夠肉類多。宜家物價咁高。埋單人頭唔洗二佰蚊。環境服務同食物都算合格。C/P幾高👍🏻🍽7/10 🔎大同韓燒大角咀大全街42-44號地舖