日常素食 (已結業)

平時食得太油膩 ，偶爾都想食得清淡d。位於黃大仙的「日常素食」果然無改錯名，主打傳統素食，不花巧，果然日常食都無問題。而價錢方面晚市$136/位，就可以享用素食自助餐，選擇都唔少！餐廳嘅食物多不勝數。有素咕嚕肉、上海粗炒、炒四季豆、炸物、齋、素咖哩等等，不能盡錄！啱曬肚餓既你。我自己鍾意素咖哩，無肉但仍濃郁，不太辣，老少咸宜，加埋薯仔都飽肚。春卷都唔錯，多料味道豐富，比肉更好吃。冷門d既有豬腳薑（無豬腳），唔辣，薑醋味道突出，而且容易入口，最鍾意係佢隻蛋！蛋白部分彈牙，蛋黃不會過熟。另外仲有沙律吧！有素壽司、沙律菜、鷹嘴豆、生果等等，特別一讚沙律醬都有成3-4款！當然唔少得有中式甜品，其中令我幾深刻係佢嘅紅棗糕，紅棗味突出，不會太甜，喺一道健康嘅甜品，食多少少都唔怕。