金坊泰國美食

營業中

休息中

上星期黎食早餐嫁啦，呢間值得推介。晨早早左返工就入左去食，$24一個蛋配一餸一包一飲品，加八蚊有粉麵。通常我會將蛋同餸夾包食，變成腿蛋治，今次碗麵咁大碗，我帶走左做午餐。即今日早午餐共$32，好慳😜叫左個雞絲米線，扎肉炒蛋。米線好大碗好多蔬菜，仲好多雞絲，聽啲店員同顧客吹水講起，啲菜全部泰國空運返黎，特別爽甜。八蚊一碗野入面，多菜多肉，有一大舊白蘿蔔，好多芽菜，又有菠菜同唔知咩菜，個湯好清甜，一個餐好夠飽，男女都啱。見附近啲人食緊其他麵，啲餸都係超多，店家好闊綽。仲要重點係好食！凍飲仲唔洗加錢添。