大滿喜日本料理 (已結業)

最近生日，所以終於有藉口放肆下食放題🤣之前聽朋友話大滿喜好抵（比起其他同類嘅日式放題，依度$220加一真係不錯），所以就book咗放工黎食。一去到，侍應就同我地講話可以用微信qr code落單。（之後同朋友驗證，就咁scan qr code開網頁版都ok）餓到傻咗嘅我地當然即刻乜都嗌啲試下啦！等緊野食嘅時候，我地就去咗攞飲品。飲品啲種類都好多，放題必備嘅飲品都有!除左飲品，仲有個「沙律吧」同甜品吧（嗚嗚～之後食得太飽，無試到甜品）落完單之後，啲野食好快就上。好得意，刺身個盤會有啲煙噴出黎🤣🤣🤣啲三文魚切得好厚好大份！另外推薦嘅就係帶子！唔會好細粒！整體啲刺身都好不錯，大大份！除左刺身，我地都有嗌熟食！牛舌好正，雖然就咁食可能味道濃咗少少，但擠返檸檬汁就即刻調和到個味道。另外，當然唔可以唔提我最鍾意食嘅羊架。食落口好鮮嫩，又有汁，唔會好乾。食完咁多肉，最後食返個燒菠蘿refresh下，真係perfect!下次有朋友生日都會再拉埋佢黎依度食放題！