品味餐廳

營業中

休息中

下午茶時間想hea下食番個tea，去元朗嘅話，不妨試下呢間餐廳。行開元朗廣場，係元朗西巴士總站附近，近車頭位置，好容易就搵到佢。唔好睇佢店面平平無奇，裏面嘅下午茶餐其實非常吸引。叫咗洋蔥汁豬扒加薯條，等咗冇幾耐就有得食。塊豬扒超大舊，煎得好香，蘸汁好好食。薯條剛剛炸起，熱辣辣，脆卜卜。仲有少少配菜：番茄同青瓜，入口爽脆。配紅豆冰，竟然唔洗加錢！紅豆非常大粒，有口感，飲完好清涼。唔想食豬扒嘅朋友，可以揀牛扒或雞扒，仲有其他例牌野，好似西多士，亦都有細份炒粉麵。