Hard Rock Cafe (已結業)

Happy Friday同事提議黎呢間餐廳食午餐，雖然係蘭桂坊好高個頭，但都一於照去。餐廳有啲酒巴feel，星期五都好full下。有lunch set, 有齊湯，沙律，主菜同飲品，我地每人叫左一份。聽同事講以前係湯同沙律揀一樣，依家兩樣都有，不過每樣就份量少左。個湯係忌廉湯，好濃郁好好味。沙律則不過不失，如果兩者要揀一個，記得揀湯。主菜我揀左牛扒，如果冇同佢講就係7成熟，所以我特別叫佢煮5成熟。佢仲有啲配菜，有個薯蓉波，同大大隻太陽蛋放係面。同事話以前係配薯條，原本我都鍾意薯條多點，但呢個薯蓉堅好食。牛扒煎得好香，不過我覺得係7成熟。成個餐食到超飽，除左我個個都食唔晒，呢個價錢呢個質素真係好抵。