山下見日式料理 (已結業)

平時最鍾意食日本野，係IG 見到葵芳有間新開既日本料理，個名叫山下見，即刻拉左老婆去試下，專登中午過來可以堂食，我地兩個叫左一份炸蝦特式卷，老婆食原條燒鰻魚飯，我就揀左佢地個No1 三文魚親子丼，三文魚好多好新鮮好大份食得好滿足 , 啱晒我。炸蝦卷脆卜卜，加埋d 沙律醬又好夾喎，鰻魚飯我試左一啖，燒到好香，肉質好軟，味道好好,不過如果下次再食我都係會揀三文魚丼或者試下其他刺身。等到遲d 可以晚市堂食就一定即刻book 枱試多d 其他野食。總括黎講，真心極力推介呢間日式小店， 價錢平，但刺身丼既三文魚刺身及三文魚籽份量真係好多。如果中意熱食既話，我老婆就覺得個鰻魚飯冇得彈， 原條份量只係$88 , 我見其他店既鰻魚飯都係3,4片或者半條已經賣1百蚊以上。 所以我同老婆下次一定會留定肚再黎試多d其他野！