到會熱點 (非門市)

營業中

休息中

好耐冇食過到會啦，估唔到呢一間Fever Food（到會熱點）又幾好食✏️我哋叫咗一個六至八人餐，任選八款食物，先至$904(包運費到樓下)，而我哋有七個人一齊食，都食淨左唔少，所以份量非常之足夠✅✏️加$60可以送到樓上✏️主食方面，我地叫左水蜜桃、菠蘿、鮮茄焗⻄班牙豬鞍扒飯(約2磅) 同 一口牛炒飯配飛魚籽(約2磅) ，個人覺得焗豬扒飯比較好食嘅豬扒，不但切咗一塊塊，而且個茄醬甜甜地幾好食，配埋個飯一齊食都唔錯✏️喺炸物方面，我叫左脆炸吉列蝦拼魷魚圈配沙律醬(各6) ， 韓式柚子炸雞配甜辣雞醬(16件) ，黑松露熔岩芝士炸薯角 (約2磅裝)。當然都會運送需要一定時間，所以通常叫咗炸物嘅時候都會冧左啲，但係佢嘅炸雞炸蝦依然好食，而薯角居然係甜嘅，都幾有新意✏️肉方面，我叫左香煎龍利魚拼香草紐⻄蘭羊架(6塊/2件) ，日式和風金針菇安格斯肥牛卷(12串) 同客家鹹香鹽焗雞拼海蜇(約 2磅) 。個肥牛卷煮得幾好，呢個唔錯，都幾建議大家選擇呢一個。羊架唔騷，我個人都鍾意食唔騷嘅羊架，不過唔建議冧埋佢嘅汁。至於鹽焗雞就相對健康，味道相對清淡，如果唔鍾意食太濃味嘅話，就選擇鹽焗雞就啱晒你。