大喜屋 (已結業)

今日約左知心好友去銅鑼灣食 lunch 放題，我哋選擇大喜屋，貪佢抵食又方便，果然不負我厚望。食大喜屋一定食刺食，鮮甜美味，我極力推介鮑片，好食彈牙入味，非常吸引。羊鞍亦係必食之選，羊肉鬆軟易嚼，沒有討人厭的羊騷味，要一叫再叫。炸吉列蠔和芝麻雞翼不得了，食過返尋味，叫多幾轉。忍唔到口，叫多兩隻。牛仔肉好好味，醬汁甜美，肉嫩易嚼。Order 紙有皇冠，肯定正嘢！甜品有我至愛桂花糕，加上 Terimisu 和法式燉蛋，真係齒頰留香。仙草爽即涼粉爽，正！我最鍾意飲。有果汁先生 order 又係一絕，點估到會遇見你。有高汁雪糕雪條㨂，好開心。整體而言，食店食物質素高，服務良好，裝潢舒適。提外話，我隔離枱有班日本人，我懷疑當中有兩位日本女明星，靚到叮幾聲加揼十聲，日本美人兒都食大喜屋，我哋點可以錯過。