影片
更多
2020-06-07
442 瀏覽
哩間台灣芋圓相信唔少人都食過，平時就算平日夜晚10點幾去都係排曬隊，以前上深圳都會食下，但自從6月起已經唔會再上，好彩佢開到來香港仲要係黃店就要時不時懲罰下啦！🙈🧊芋薯圓Q麻糬牛奶冰🍧（$52）哩個係最推薦同熱門嘅必嗌點，份量多而且乜都有，夠3-4個女仔分來食，牛奶冰底甜甜哋，加埋個雲呢拿雪糕啱啱好，夏天食解暑真係一流，配料乜都有，小芋圓細細粒好好咬丶芋薯圓以為係大粒芋圓但原來好似湯圓咁有芋泥係入面丶麻糬有分黑糖同牛奶味咁煙煙韌韌好好食丶冬瓜凍好似啫喱咁Q彈，啱曬中意食煙韌嘢嘅你😗🍭芋圓二號及四號（$45）基本上個底係一樣，凍嘅就牛奶冰，熱嘅就紅豆湯，仲有芋圓同珍珠，不過啲配料就唔一樣。二號就有地瓜，即係番薯甜甜哋係幾好食同薏米細細粒淡淡哋幾有口感幾清新。四號就有芋頭綿綿哋咁唔錯同紅豆夠甜。食唔到咁多咁大碗，又或者冬天唔想食冰都唔緊要，因為仲有其他款式，例如仙草(不過🐖就唔食仙草因為唔係幾受得，但有朋友食過話好味嘅👍)丶豆腐花丶布丁丶紅豆湯同飲品等等，都值得一試。店內採取快餐店模式，自己搵位排隊買嘢食，食完自己執番好擺去佢個收餐位度，記得做番個有質素又合作嘅食客。多次遊行集會示威時哩間
🧊芋薯圓Q麻糬牛奶冰🍧（$52）
哩個係最推薦同熱門嘅必嗌點，份量多而且乜都有，夠3-4個女仔分來食，牛奶冰底甜甜哋，加埋個雲呢拿雪糕啱啱好，夏天食解暑真係一流，配料乜都有，小芋圓細細粒好好咬丶芋薯圓以為係大粒芋圓但原來好似湯圓咁有芋泥係入面丶麻糬有分黑糖同牛奶味咁煙煙韌韌好好食丶冬瓜凍好似啫喱咁Q彈，啱曬中意食煙韌嘢嘅你😗
芋薯圓Q麻糬牛奶冰
$52
51 瀏覽
0 讚好
0 留言
🍭芋圓二號及四號（$45）
基本上個底係一樣，凍嘅就牛奶冰，熱嘅就紅豆湯，仲有芋圓同珍珠，不過啲配料就唔一樣。
二號就有地瓜，即係番薯甜甜哋係幾好食同薏米細細粒淡淡哋幾有口感幾清新。
四號就有芋頭綿綿哋咁唔錯同紅豆夠甜。
食唔到咁多咁大碗，又或者冬天唔想食冰都唔緊要，因為仲有其他款式，例如仙草(不過🐖就唔食仙草因為唔係幾受得，但有朋友食過話好味嘅👍)丶豆腐花丶布丁丶紅豆湯同飲品等等，都值得一試。
店內採取快餐店模式，自己搵位排隊買嘢食，食完自己執番好擺去佢個收餐位度，記得做番個有質素又合作嘅食客。
多次遊行集會示威時哩間店都有幫助過手足，比途人暫避甚至有送上甜品/糖水。
P.S. 所有有份幫助過同路人嘅黃店都係值得我地繼續懲罰！
張貼
