泰傳奇 (已結業)

今晚去九展睇舞音樂劇～先同友人到outlet行左陣，見時間尚早，打算醫肚先。估唔到2樓有好多餐廳～～行過呢間泰傳奇，見個menu 價錢幾抵，我地都係諗住拿拿臨食完就出發。坐低時正轉緊menu, 原來仲有下午茶餐。我同友人見到晚餐精選，價錢都幾抵，決定要個晚餐。青咖哩牛腩飯呢個有驚喜，少少辣帶點椰汁味，牛腩好淋，都算多牛腩而且入味。而且份量大～友人話岩哂佢size!海南雞飯一樣係大大碟，$70 來說真係唔錯。只係雞油好似唔夠，少左一種想大大啖扒飯感。餐廳似商場入面的Foodcourt, 勝在唔太嘈。服務都算幾好。