棟記飯店

營業中

休息中

上環熟食中心嘅大排檔，午餐種類繁多，有碟頭飯，有炒粉麵飯，任君選擇，價錢只係四十幾至五十幾蚊，總有一款啱你心水。食得大排檔就唔食碟頭飯啦，梗係叫啲炒粉麵試吓夠唔夠鑊氣，所以就點咗乾炒牛河（$50，連飲品）。乾炒牛河即叫即炒，等咗唔夠10分鐘就有得食，仲要係熱辣辣嘅，河粉上食唔錯，用芽菜同韭菜炒，但食到後面覺得有啲油。環境方面，雖然有冷氣，但就坐得唔係好舒服，同埋預咗有啲嘈，不過咁樣先至係大排檔氣氛。同埋勝在價錢平兼即叫即做，呢點已經好好。