樂園魚蛋粉

營業中

休息中

餐廳環境光鮮，座位闊落，完全唔會坐得逼。而且有充滿懷舊氣息既地磚。每碗粉麵價錢經濟實惠，吸引好多食客及外賣。最緊要叫完勁快就送上。秘製牛腩米粉($39)，牛腩肥美肉實，煮得非常‘林’，油脂位牛香味爆在口中，腩汁香濃。米粉份量多，一大碗好飽足。古法鮮蝦雲吞麵($35)，粒粒飽滿既雲吞，內餡有一大原隻蝦，彈牙，鮮肉結實。雲吞皮薄，配湯食一流。湯底充滿炸蒜味，熱辣辣暖入心。飲多幾啖，都唔會覺得口渴。淨魚蛋魚片湯，心思思想食多個餸，就食出名既手打魚蛋。果然冇錯，魚肉超彈牙，口感十足。魚片外皮炸過，香口口感更勝一籌。另外亦附有生菜底，想食多d菜既話，直接叫油菜都好抵食。豆漿，食港式粉麵，最佳配搭。整體，以尖沙咀既物價黎講，完全唔貴，飽肚亦美味，抵食。