越式越好味 (已結業)

今日又同老公去深水埗食好西啦，又係食我至愛嘅湯麵今日試呢間越南野，入到餐廳內座位間隔闊落，台面放左泰式酸辣汁，魚露碗同筷子～餐牌內都好多選擇，湯粉，飯，小食，重有好多泰式特飲～價錢都好抵，份量重好大碗，侍應比左2柸熱茶我地，味道好特別，幾香～ 生牛肉河粉～湯底好清但好夠味，有唔同嘅越式配料，牛肉好大塊～極品牛三寶湯河～內有牛肉，牛展同牛丸，鍾意咩都有啲可以試呢款～越式豬頸肉～味道剛好，唔會燒到乾柴皮，份量超多～紅棗龍眼冰～紅棗超大粒，勁多龍眼同杞子，超好飲，唔會死甜鮮榨芒果沙冰～而家天氣開始熱，飲一柸沙冰真係超透心涼，大大柸，重有芒果肉～