泰象館

營業中

休息中

我同呢位朋友冇機會一齊去泰國，但係佢就成日好想去香港入面既小泰國－九龍城，所以今晚我哋山長水遠去個度食個晚餐。泉到九龍城，佢第一句講嘅說話係「九龍城其實都幾似旺角」，之後行到黎南角道成條街都係買泰國嘢，佢佢就覺得好熱鬧，而且對於新奇特別既小食好感興趣，聞到陣陣嘅香料味，令我地胃口大增，選左其中一間餐廳試試。香葉辣椒肉碎炒河$50一上碟，超足份量，好似平時出面叫既兩碟，好欣賞。唔知係咪少人既關係，超級新鮮，噴曬煙，食落又唔係好辣，河粉好滑而且超香，有d豆角毛豆碎，加埋辣椒紅椒粒，超刺激！每條河粉都好混炒得，夠曬鑊氣呢！酸辣豬頸肉沙律$68同生菜包同一原理，只不過換左既係豬頸肉，我覺得可以再辣d，不過酸酸地都係道好好既前菜，貌似簡單但好多工序，因為我都識整。芝士蝦丸$68超大粒，有4粒開邊8件，超抵食$8.X一粒超足料，啖啖鮮甜蝦肉，超滿足！而且入面filling有溶漿芝士真吸引!芒果糯米飯 $60呢個比起黎，其實我覺得有d貴而且可能好早就上，米有d硬。