金兜記海鮮菜館

營業中

休息中

食大閘蟹恨咗好耐，上網搵資料搵咗幾間大閘蟹放題，睇到好多網友推介呢間金兜記任食大閘蟹餐！今日終於約埋幾個朋友一齊去拆蟹！由於太多人嘅關係，佢分咗兩個時段，我哋book咗八點，早幾個字已經要係樓下排隊搭𨋢先上到去，好誇張！個套餐其實都包咗幾多嘢食，有杏汁燉花膠、黃金蝦球、潤燒乳鴿、生炒臘味糯米飯同薑茶、當然仲有任食足4両的日本大閘蟹！其實d前菜已經好好食, 我最鍾意食個乳鴿，如果唔係有個任食餐我應該會再叫多隻！日本蟹食落好似真係唔同啲，勁爆膏！同埋大閘蟹嚟講佢都算好多肉！咁樣計落都食咗有十隻八隻，攪到都唔得閒影相！仲有佢啲蟹都算洗得好乾淨，唔使自己剪繩！同埋佢加蟹既速度都好快，完全冇就住，其實食得多真係超抵！整體服務都好好，自動加蟹同執枱，值得推介。