炎天丼 (已結業)

女人街兩邊全部都係餐廳，今日行完街好肚餓，見到呢間餐廳d menu好似幾抵食，就入左去。食物選擇唔算好多，但全部都好似好正咁😋我就叫左個野菜天婦羅配熱蕎麥麵，天婦羅都算幾多野食，有蓮藕、菇、菜等等，個蕎麥麵又好大兜，$65蚊有咁多野食真係抵食！朋友就叫左個海膽天婦羅飯，一睇就見到好足料啦！天婦羅有南瓜、茄子、菜心等等，再配海膽一齊食，真係好正！枱上面仲有樽飯素俾你任加，我覺得加完會香好多，一定要試下！