寶島

營業中

休息中

姐姐一家入屯門探我，我作為地膽，緊要介绍好嘢食。哩間寶島我經常食，味道質素可靠，實冇問題。今午突然即興游車河野餐，又已經午餐時間，决定買幾盒飯盒外賣去野餐。姐夫喜歡食苦瓜，叫左苦瓜蝦仁炒旦。蝦仁竟然有中蝦大小，爽口弹牙。苦瓜份量反而太少，唔係好滿足到苦瓜控。姨甥女食豬扒肉燥飯，豬扒好多塊，份量不少，大件夹抵食。两個小朋友一盒都够。我和姐姐分享蚵仔炒旦飯。蚵仔幾新鮮，鮮甜唔腥。連餐飲都係$40左右，一般茶記價錢，但非一般茶記頹菜式。