炊豕店 (威靈頓街) (已結業)

之前同同事食飯，有位同事大力推介炊豕店話抵食夾大件，仲一定要試佢地嘅肉燥豬扒，好好味咁話！趁住weekend就同女朋友過咗佢地嘅中環店到試試！餐廳都幾多人，好彩都叫做有位唔洗點等。點餐紙清楚簡單，先揀主菜，可再追加配料，小食同飲品。餐廳以豬為主題，主菜都係同豬有關，我地就叫咗豬扒同豬軟骨兩款主菜試下。👉🏻肉燥汁秘製豬扒飯+滷水雞蛋+厚午餐肉 $74豬扒又厚又大塊，午餐肉非常厚切！滷水蛋入味！仲有棵青菜，唔會成碗齋係肉。豬扒外表金黃，外皮薄而且香脆唔油膩，肉質鬆軟有彈性，仲醃得好入味，真係值得推介！午餐肉好厚切，煎得外脆內軟。肉燥飯底，香濃開胃。👉🏻沖繩豬軟骨撈粗麵+炒滑蛋+肉燥汁 $76炒滑蛋大大塊！好嫩滑！炒滑蛋下面就係沖繩豬軟骨，仲有白蘿蔔，蓮藕等配菜，大大碗，好足料！豬軟骨鬆化入味。粗麵同醬汁已預先撈匀，唔洗自己另外撈，粗麵彈牙。再加配埋肉燥汁，味濃汁厚，香噴噴。👉🏻汽水 +$5👉🏻熱蜂蜜柚子 +$5汽水夠凍，大熱天時飲好爽。女朋友唔飲凍嘢，熱柚子蜜清甜，感覺潤喉。