影片
更多
2017-12-06
5031 瀏覽
今日工作經開北角，約左男友食飯。正當諗緊食咩之際，經過一條小巷就比la kaffa 既招牌吸引左過去，原來北角都有d 咁有格調既餐廳，而且以西餐價錢黎講唔算貴，一於拆番餐勁慰勞下自己。餐廳設計幾懷舊英倫feel，環境寧靜，燈光柔和，感覺幾舒服，牆上仲有好多火車，時鐘，齒輪既佈置。收工太攰都係有選擇困難症😂，唔想諗最後㨂左個$398 既二人餐，可惜呢個set 無飯同意粉㨂，主菜主要係全肉既配搭。我都驚太飽，不過男友話easy job無難度。✨檸茶豪不吝嗇，超多檸檬ar ~~我叫左小冰，佢真心做到我小冰既standard👍🏻✨餐湯係薯蓉粟米湯，質地唔算滑但味道唔錯。跟餐多士烘得剛剛好，微微脆好鬆化，搽埋牛油超正✨沙律只有生菜同車厘茄，貪心的我略嫌感覺有d 寡，但個醋汁都ok~~✨白酒忌廉燴藍青口： 排到好整齊咁上碟，份量都幾多，有成十幾隻。青口肉質鮮甜，我拆晒d肉連埋洋蔥，青椒絲，忌廉汁大大啖咁食，汁都飲埋。個汁好香，一d 都唔會漏。✨8oz 頂級西冷牛扒：好大塊！上面仲有牛油同rosemary 好吸睛。牛扒肥瘦適中，加埋邊位d 肥油食落好香~牛味濃郁，點埋個燒汁好正👍🏻扒餐可以㨂薯蓉/薯
餐廳設計幾懷舊英倫feel，環境寧靜，燈光柔和，感覺幾舒服，牆上仲有好多火車，時鐘，齒輪既佈置。
收工太攰都係有選擇困難症😂，唔想諗最後㨂左個$398 既二人餐，可惜呢個set 無飯同意粉㨂，主菜主要係全肉既配搭。我都驚太飽，不過男友話easy job無難度。
✨檸茶豪不吝嗇，超多檸檬ar ~~
我叫左小冰，佢真心做到我小冰既standard👍🏻
✨餐湯係薯蓉粟米湯，質地唔算滑但味道唔錯。跟餐多士烘得剛剛好，微微脆好鬆化，搽埋牛油超正
✨沙律只有生菜同車厘茄，貪心的我略嫌感覺有d 寡，但個醋汁都ok~~
✨白酒忌廉燴藍青口： 排到好整齊咁上碟，份量都幾多，有成十幾隻。青口肉質鮮甜，我拆晒d肉連埋洋蔥，青椒絲，忌廉汁大大啖咁食，汁都飲埋。個汁好香，一d 都唔會漏。
白酒忌廉燴藍青口
32 瀏覽
0 讚好
0 留言
✨8oz 頂級西冷牛扒：好大塊！上面仲有牛油同rosemary 好吸睛。牛扒肥瘦適中，加埋邊位d 肥油食落好香~牛味濃郁，點埋個燒汁好正👍🏻
8oz 頂級西冷牛扒
35 瀏覽
0 讚好
0 留言
扒餐可以㨂薯蓉/薯角。薯蓉本身已經撈左啲香草同調味所以好入味。扒底仲有南瓜，露荀，粟米仔同西蘭花，如果d 蔬菜可焗得腍d 又或者換上多汁既瓜類就更perfect。
✨燒香草法國春雞配魷魚圈：上枱果下真係嚇親，好大隻雞！ 先切個脾位食下，嘩～超爆多汁，外皮燒到微微脆，d 肉勁嫩滑，佢仲搽左蜜糖同埋有好多香草所以好惹味。我食埋個雞翼已經飽到上心口。不過個魷魚圈略嫌比較淡，如果可以有醬點下又或者落多d 調味就更好。
燒香草法國春雞配魷魚圈
33 瀏覽
0 讚好
0 留言
去到結尾已經好飽，仲有甜品，黎到嚇親，個奶凍超大杯啊。
✨ 面頭橙色醬係鮮果奶凍，味道有d 似橙同熱情果味。個人鍾意士多啤梨奶凍多d,味道 酸酸甜甜好開胃，奶凍奶味唔算好重，反而好香雲呢嗱味，都唔錯，超滿足。
呢個二人餐真係幾抵食，大食男友都話飽到上心口😂呢個價位又有扒鋸，又有海鮮食下，性價比高，食肉獸啱晒。
張貼
