上海小聚 (已結業)

今日想食水餃，所以就係呢度order咗白菜豬肉餃子。其實之前食過西洋菜豬肉餃子，當時就覺得好好味，所以今日決定試其他。白菜豬肉餃子同西洋菜豬肉餃子嘅區別係西洋菜餃比較多菜，而白菜餃係肉為主，鍾意食肉嘅可以揀呢個，鍾意多啲菜嘅就應該揀西洋菜餃。佢哋嘅餃子其實好大隻，係平時食嘅舖頭嘅1倍咁大，加上價錢都唔使50蚊，的確係好抵。一啖咬落去，啖啖肉，好彈牙，至於湯底，我揀咗豬骨湯，我好鍾意個湯，清清地又有豬骨味。