樂怡美食店

營業中

休息中

又到食飯時間，上次食立哥見到對面呢間樂怡美食店d餐牌都好多款式，價錢都唔貴，今日1於黎試試啦。店面好細，店內得幾張枱同埋位與位之間都算近，不過小店都係咁上下啦，最緊要食物質素，坐底睇餐牌，款式都幾多，有飯有烏冬有漢堡有麵，好多配搭。今日分別叫左個什排飯同鰻魚蛋飯，2個飯都另外跟個忌廉蟹肉薯餅，什排飯超抵食，有豬排雞排，法蘭克福腸同1隻煎蛋，仲有幾條菜跟tim，2塊排雖然唔算好大塊，但都好夠飽了，炸得都算香口，豉油汁另上，多汁少汁自己控制。鰻魚炒蛋飯就較為普通啦，分開左3小塊加個普通炒蛋，味道都ok既，但勝在抵食。跟餐既忌廉蟹肉薯餅都係急凍貨無乜特別啦，但略為炸得唔夠熱要注意下。整體黎講係滿意既，有機會都想試下d漢堡。