1987 Kitchen (已搬遷) 新店位置

請假去食甜品的同一日，未食甜品之前先去食個lunch，記得友人介紹過呢間1987 Kitchen，良心小店，一於幫襯。小小的店子，平日的下午，好少人。Lunch set。南瓜濃湯，味道濃郁，配法包。美國黑安格斯西冷配薯條，原價$138，抗爭價$98，幾大件，肉質柔嫩，牛肉味濃，不過幾多筋位，配幼薯條，香脆熱騰騰。龍蝦汁香辣蜆肉意粉，$68，友人的，好多蜆肉。熱咖啡。友人的檸茶。抵食夾大件，食物味道不俗，坐得幾舒服，服務態度親切，支持小店。