新忠記打冷小菜館 (已搬遷) 新店位置

Honey原本打算去時X食漢堡包，點知收8:30食唔到。於是揸架車泊喺仁孚再兜下有咩食，兜完一個圈Honey就話食打冷，我老祖宗係潮州人緊係鍾意食潮州野啦，即刻話好呢！可能比較夜去到唔使等位即刻有位👍🏻睇住餐牌樣樣都想食先黎咗個蠔仔粥，其實無咩特別，不過夠多蠔👍🏻👍🏻👍🏻之後就有個鵝片三拼，我地就拼咗墨魚&鵝腸其實我鵝腸一向都好少食，但Honey鍾意食，所以就吓佢拼埋鵝腸，不過佢話鵝腸都幾爽口，鵝片都厚肉唔會太薄，抵食，不過呢碟最驚喜係豆腐，好滑呢！又夠入味，好好味👍🏻👍🏻👍🏻👍🏻👍🏻再黎個蒜蓉炒芥蘭，真係抵食到爆，超大碟！我同Honey成晚最覺得好食係呢個豬軟骨煲，D骨淋到夠適中有咬口，又唔會太硬咬唔到，少少脆口感仲好入味，個底係用咗支竹，索哂D汁正到爆，如果無叫蠔仔粥的話，可能食到一碗飯呢！成晚唯獨是四圍環境嘈過喺大排檔，不過食得打冷都預咗。