Story Steak & Pasta (已結業)

凍檸茶極大杯，杯身極粗。 黑松露雜菌湯，今日嘅餐湯係黑松露雜菌湯，黑松露味道香濃，同蘑菇嘅香味相輔相成，面頭加上少少忌廉，令到個口感更加細滑。 餐包估唔到佢都咁有誠意，烘焗得香脆之餘，亦令到香草牛油充分咁樣滲透喺每一寸麵包之上。 慢煮美國牛肋骨配黑松露薯蓉，牛肋骨煮得好腍身，醬汁係經典嘅美國燒烤醬，味道酸酸甜甜，十分開胃，薯蓉口感細滑，明顯無投放過多嘅牛油同埋忌廉，更能享受黑松露嘅味道。特式雜扒，一個價錢就可以食到牛肩胛、羊架、烤雞、紐倫堡腸同煎蛋，仲有餐湯、餐包、飲品、白飯或意粉或薯條同唔係好多地方有得跟嘅薯蓉俾你選擇，份量十足，而且味道同埋質素都不俗， 羊架厚切煎得香脆， 紐倫堡腸係德國傳統嘅味道，令人十分滿足。