台灣麵 (已結業)

起九龍灣行完街，過黎emax 醫下肚～呢間台灣麵既野食款式都幾多，價錢幾經濟。✨滷蛋豆腐肉燥飯（$43): 佢個飯量真係超多，肉燥雖然瘦瘦地，但撈埋個汁幾好食。滷蛋入味，伴菜又加左d 蒜蓉，清清地幾香。豆腐有輕輕炸過，外皮有少少脆，感覺香口d~✨燻蹄拼海蜇（$68): 食落好冰感，燻蹄海蜇份量都幾多，食落爽口，點埋酸汁好開胃。✨炸雞湯拉麵（$61): 個炸雞上枱果下嚇一嚇，個樣好搞笑，成條油炸鬼咁xD 脹卜卜，顏色好金黃，同平時見既炸雞有分別。食落原來粉漿係好鬆化，但入面d 雞又好嫩，點埋沙律醬係正既。✨拉麵雖然唔知係咩湯底黎，但夠入味唔會太腍，入面仲有粟米，四舊魚蛋，半隻蛋同菜，夠飽肚。✨跟餐加$4, 要左個芝麻奶茶，個味都幾特別，少少芝麻香又有好香甜既奶茶味～不過茶味同芝麻味濃d 就更加好， 但整體黎講係抵食既。