鴨仔冰室 (已結業)

是日於觀塘晚飯，被一紅色格仔檯布吸引，遂入內幫襯。頗餓，兩人叫了三個餐。先來沙律及餐湯。前者fresh，後者清甜。雜菌松露燴飯甜而不膩，好食。日式咖喱豬仔髀飯，豬仔髀味道濃郁，夠晒大件。雜扒有豬、牛、雞、司華力腸，十分大份！雜扒層次豐富，香氣撲鼻，值得一讚係薯條都非常好味。本局長以凍啡走甜為餐飲。唔少茶記嘅凍啡走甜都好好難飲，但此餐廳凍啡走甜卻有咖啡味，並非一味苦澀，值得讚賞。總括而言，餐廳食品抵食夾大件，員工態度彬彬有禮，局長倆盡興而歸。