遙 (已搬遷) 新店位置

遙已經慢慢成為我嘅飯堂，除咗地方就腳，方便我落堂之前/後去醫肚之外，最緊要係好食同抵食！點好食同抵食？嚟睇睇我嘅食評就知啦～話說早果排約咗朋友嚟食lunch，夜晚個場非常旺，而家舖頭唔大，位都唔多，所以夜晚食飯一定要卜位，不過日頭就唔算多人，我walk-in入去都有位每日推介，海膽都可以試試原本以為星期六會無lunch set，其實都有供應嘅，lunch set仲免加一添～隨餐附送嘅面豉湯，可能因為份量唔多，比一般面豉湯濃味少少我就叫咗三文魚海膽飯，雖然海膽份量唔多，但都品嚐到海膽嘅鮮味，唔太腥，而且都幾滑；三文魚都幾肥美，口感好豐富。每次嚟到都一定會食池魚刺身，唔洗兩百蚊就可以食到大大份刺身，今次都唔例外，除咗口感新鮮同爽口之外，加d醋食仲會增加佢嘅鮮味架總括嚟講，雖然係小店，但係食物質素唔輸俾中高檔日本菜，價錢都唔算好貴，午市有set就更抵食啦，之後我都再會去食架