築地日本料理 (金百利廣場)

營業中

休息中

今日喺銅鑼灣金百利行完街，肚餓想食下午茶，然後就搵咗間日本嘢食。我四點幾去嘅時侯都好旺，我估啲嘢食應該都唔錯，先咁多人黎。我叫咗個野菜牛肉壽喜燒鍋同埋凍豆腐，再配過熱柑橘檸檬蜜，一個人好滿足。個壽喜燒鍋個湯底都幾好飲，同埋佢係有個火熱住個鍋，所以食極d野都好熱非常好！非常貼心。個湯底甜甜地又有啲酒味，同埋佢有隻溫泉蛋打咗落去，撈埋一齊食好正。佢啲配料都好多，有黃芽白、牛肉、秋葵、粉絲，同埋啲餸都好索個湯好好食～嗰三款凍食豆腐各有特色，海膽嗰個好有鮮味，泡菜嗰個充滿韓式味道，麻醬配蝦同豆腐都好夾～佢嘅豆腐好新鮮同埋好挺身，唔會話一夾碎晒，好有質感，一次滿足左三種味道！配埋杯熱檸蜜完結一個美滿的下午。