影片
更多
2011-11-28
234 瀏覽
今日原本約左個前輩在沙田食午飯, 前輩話今日咁好天, 不如去大尾篤食, 可以吸下新鮮空氣!前輩提議去Luca, 可能時候尚早關係 (1230 左右), 架車可泊在餐廳門口, 超方便. 我地兩個人被安排到一張室外的二人檯 (有傘), 今日天氣涼涼地, 不過有陽光, 加上食客唔多, 個環境相當寫意,真係要大大大大讚我地每人都叫左一個午餐, 包括:雜菜湯 - 好多唔同的菜做材料, 不過以蕃茄為主打, 味濃, 口感豐富, 好好味麵包 - 好夠熱, 放塊凍都實晒的牛油入去, 立即溶晒, 正牛排併白飯 - 個牛排燒得好香, 係燒, 唔係煎, 塊排好 "林", 有牛味, 加上個黑椒汁好惹咪, 而d配菜都唔馬虎, 係好新鮮的節瓜粒, 好爽口!附送餐飲, 凍奶茶夠香夠滑!!!食物質索加埋咁好的環境, 只收咁的價錢, 真係無野好彈, 唯一可改善的, 是侍應門收碟收得太急, 未食完已經問左n 次.
前輩提議去Luca, 可能時候尚早關係 (1230 左右), 架車可泊在餐廳門口, 超方便.
我地兩個人被安排到一張室外的二人檯 (有傘), 今日天氣涼涼地, 不過有陽光, 加上食客唔多, 個環境相當寫意,真係要大大大大讚
我地每人都叫左一個午餐, 包括:
雜菜湯 - 好多唔同的菜做材料, 不過以蕃茄為主打, 味濃, 口感豐富, 好好味
麵包 - 好夠熱, 放塊凍都實晒的牛油入去, 立即溶晒, 正
牛排併白飯 - 個牛排燒得好香, 係燒, 唔係煎, 塊排好 "林", 有牛味, 加上個黑椒汁好惹咪, 而d配菜都唔馬虎, 係好新鮮的節瓜粒, 好爽口!
附送餐飲, 凍奶茶夠香夠滑!!!
食物質索加埋咁好的環境, 只收咁的價錢, 真係無野好彈, 唯一可改善的, 是侍應門收碟收得太急, 未食完已經問左n 次.
題外話/補充資料：
今次掛住同個前輩吹水, 又唔記得影相...sorry!
(以上食評乃用戶個人意見 , 並不代表OpenRice之觀點。)
張貼