影片
更多
2018-03-15
440 瀏覽
同女友揸車去開灣仔買野，誤打誤撞經過船街，見到有間門口幾精緻既西餐廳，門口又可以偷雞泊車，有得睇住食令人放心，就入左去坐低，醫下肚仔！店內空間十足，樓底高非常舒服大中細檯都有，一家大細嚟都得！餐廳主打晚餐+任食甜品套餐，由前菜到飲品可以揀5 道菜！價錢經濟實惠，喺港島區有咁既價錢，仲有甜品任食實屬難得！先嚟到喺兩個餐湯，我叫左龍蝦湯，非常鮮甜，入面仲有幾舊8爪魚，魚肉，龍蝦肉等，份量十足！忌廉湯都香甜，有洋蔥等雜菜！餐廳上菜速度都頗快！飲完湯之後，前菜都立馬送到！我哋揀左凱撒煙3文魚沙律同焗田螺薯蓉！兩個前菜都足夠2 人share食！ 三文魚有一大片，沙律菜鮮甜爽口！田螺焗薯蓉焗得非常爽口，無沙，薯蓉亦都十分入味！ 至於今晚既主菜，海盜羊脾扒首先上檯，羊脾扒生熟處理恰到好處，整得非常嫩滑，都幾juice, 份量十足，香草味濃郁。沒有太多膻味！ 外脆內嫩，其實唔駛點汁都夠味！ 跟住有黑椒德國咸豬手，豬手個皮做得十分香脆，黑椒汁辣辣地勁惹味，d肉醃得幾入味，少少咸，亦焗得恰到好處，唔會太乾，成功保存到肉汁！餐廳除了提供左一般餐廳都會供應既餐飲外，仲提供左好多特色既特飲，好似我咁，就叫左杯薑
店內空間十足，樓底高非常舒服大中細檯都有，一家大細嚟都得！
餐廳主打晚餐+任食甜品套餐，由前菜到飲品可以揀5 道菜！價錢經濟實惠，喺港島區有咁既價錢，仲有甜品任食實屬難得！
先嚟到喺兩個餐湯，我叫左龍蝦湯，非常鮮甜，入面仲有幾舊8爪魚，魚肉，龍蝦肉等，份量十足！忌廉湯都香甜，有洋蔥等雜菜！
餐廳上菜速度都頗快！飲完湯之後，前菜都立馬送到！我哋揀左凱撒煙3文魚沙律同焗田螺薯蓉！兩個前菜都足夠2 人share食！ 三文魚有一大片，沙律菜鮮甜爽口！田螺焗薯蓉焗得非常爽口，無沙，薯蓉亦都十分入味！
至於今晚既主菜，海盜羊脾扒首先上檯，羊脾扒生熟處理恰到好處，整得非常嫩滑，都幾juice, 份量十足，香草味濃郁。沒有太多膻味！ 外脆內嫩，其實唔駛點汁都夠味！
跟住有黑椒德國咸豬手，豬手個皮做得十分香脆，黑椒汁辣辣地勁惹味，d肉醃得幾入味，少少咸，亦焗得恰到好處，唔會太乾，成功保存到肉汁！
餐廳除了提供左一般餐廳都會供應既餐飲外，仲提供左好多特色既特飲，好似我咁，就叫左杯薑蜜嚟飲！
至於任食既甜品，我哋就叫左意大利芝士蛋糕同紐約芝士蛋糕！ 意大利芝士蛋糕朱古力味香濃，忌廉滑溜！紐約芝士蛋就芝士味濃，一啖一件份量啱啱好，食多兩件都唔會太滯！
下次肚餓嚟開灣仔，又想食得飽d Double Tree真係不二之選！
張貼
